စာပေချစ်သူ

နောက်ဆုံးသတင်းများ

23/12/2011 00:00
 

လူ့အခွင့်အရေး ရှေ့နေ နှစ်ဦး လိုင်စင် သုံးနှစ် ပိတ်ခံရ

ချင်းမိုင်(မဇ္စျိမ) ။        ။ နေပြည်တော် တရားလွှတ်တော်ချုပ်က မန္တလေးမှ ရှေ့နေ နှစ်ဦးကို ရှေ့နေကျင့်ဝတ် တာဝန် ပျက်ကွက်သည်ဟုဆိုကာ ရှေ့နေလိုင်စင် သုံးနှစ် ရပ်ဆိုင်းလိုက်ကြောင်း အမိန့်ထုတ်ပြန်လိုက်ရာ အတိုက်အခံ နိုင်ငံရေး လုပ်ခြင်းကြောင့် အာဏာပိုင်များမှ လက်တုံ့ပြန်ခြင်းဟု ကာယကံရှင် ရှေ့နေ တဦးက စွပ်စွဲလိုက်သည်။

မန္တလေးမြို့ မင်္ဂလာဈေး အရှေ့ဘက် ၇၁၊ ၇၈ လမ်းကြား ၃၀၊ ၃၁ လမ်းကြား အမှတ် ၃၈/၃၂ နေ  ဦးမြင့်သွင် (လိုင်စင်အမှတ် ၅၃၂၂) နှင့် တမြို့တည်းသား ဦးရွှေလှ (လိုင်စင်အမှတ် ၇၁၀၆) တို့ကို ရှေ့နေလိုက်ခွင့် လိုင်စင် သုံးနှစ် ရုပ်သိမ်းကြောင်း နေပြည်တော်ရှိ တရားလွှတ်တော်ချုပ်ရုံးက ဒီဇင်ဘာ ၁၃ ရက်နေ့တွင် ထုတ်ပြန်ခဲ့သည်။

ညွှန်ကြားရေးမှူး ဒေါ်တင်တင်ဝါက လက်မှတ်ရေးထိုးထားသည့်စာကို  မန္တလေးမြို့ခရိုင် တရားရုံးမှတဆင့် ကာယကံရှင် ဦးမြင့်သွင်က ဒီဇင်ဘာ ၁၅ ရက်နေ့တွင် လက်ခံရရှိသည်ဟု ဆိုသည်။

“ကိုယ်တိုင် တက်ရောက်နိုင်ခြင်း မရှိပါက အဆိုပါ ရုံးချိန်းရက်တွင် တခြားရှေ့နေတဦးအား စီစဉ်ပေးရန် တာဝန် တို့ကို ပျက်ကွက်ခဲ့ခြင်းသည် တရားရုံးများနှင့် စပ်လျဉ်းသည့် ရှေ့နေရှေ့ရပ်များ၏ တာဝန်နှင့် ကျင့်ဝတ်သိက္ခာ ကို ဖောက်ဖျက်ရာရောက်ကြောင်း။” ဟု တရားလွှတ်တော်ချုပ်ရုံး၏ စာတွင် ရေးသားထားသည်။

“အခုမှ ကျနော်သုံးသပ်တာက ဥပဒေကို လက်တလုံးကြား မလုပ်သင့်တဲ့ ကိစ္စ၊ အာဏာပိုင်အဖွဲ့အစည်းနဲ့ တရားစွဲ အဖွဲ့အစည်းဖြစ်တဲ့ ရဲ၊ ဥပဒေ အရာရှိတွေ၊ တရားသူကြီး၊ ဥပဒေ ပညာရှင်တွေကို လူကို တန်ဖိုးထားဖို့ လိုတဲ့ အကြောင်း၊ အကုန်လုံးလည်း ဥပဒေ နံ့စပ်ဖို့လိုတဲ့ အကြောင်း၊ ဥပဒေမနံ့စပ်ရင် တိုင်းပြည်အတွက် မကောင်းဘူး ဆိုတဲ့ အကြောင်း အောက်ခြေမှာ မဆလ ခေတ်နဲ့ နဝတ ခေတ်က အရိပ်အငွေ့တွေ ရှိသေးတယ် ဆိုတာ ထည့်ပြောခဲ့တယ်။”ဟု ဦးမြင့်သွင် မဇ္စျိမကို ပြောသည်။

ပြည်ပနေ နိုင်ငံသားများ ၀င်ငွေခွန် ကင်းလွတ်ပြီ

ပြည်ပနေနိုင်ငံသားများ အားလုံး ၀င်ငွေခွန် ကင်းလွတ်ခွင့်ရရှိပြီ
ဖြစ်ကြောင်း နေပြည်တော်ဘဏ္ဍာရေးနှင့်အခွန်ဝန်ကြီးဌာနမှ ၂၁.၁၂.၂၀၁၁ ရက်နေ့တွင် တရားဝင် သတင်းထုတ်ပြန်လိုက်သည်။

အဆိုပါ အခွန်ကင်းလွတ်ခြင်းသည် လာမည့် ၂၀၁၂ ခုနှစ် ဇန်န၀ါရီလ တရက်နေ့မှ စတင်ကာ အကြုံးဝင်ကြောင်း၊ ပုဒ်မ ၅ ၊ပုဒ်မ၇ (ခ) အရ ရရှိသည့် နိုင်ငံခြားငွေအမျိုးအစားနှင့် ပေးဆောင်ရသောဝင်ငွေခွန်ကို ကင်းလွတ်ခွင့် ပြုခြင်းဖြစ်ကြောင်း ပြည်တွင်းအခွန်များဦးစီးဌါနမှ တာဝန်ရှိသူတဦးက
ပြည်ထောင်စုအစိုးရအဖွဲ့၏ ကြေငြာချက်ကို ရှင်းပြသည်။

“ဟုတ်ပါတယ်။ လစာကို ဘာမှ အခွန်ဆောင်စရာမလိုတော့ဘူးပေါ့။ ဖြေလျှော့မှုပေးတာပေါ့။ အဓိကကတော့ ကျနော်တို့သိသလောက်တော့ နိုင်ငံသားတွေဟာ သူတို့ရတဲ့လစာတွေကို များများပြန်ပို့ဖို့ပေါ့။ flow in  ပေါ့ဗျာ” ဟု ပြောသည်။

ပြီးခဲ့သည့် သြဂုတ်လ ၁၈ ရက်နေ့တွင် ကျင်းပသော ပြည်ထောင်စုသမ္မတ မြန်မာနိုင်ငံတော်၊ ပြည်ထောင်စုအစိုးရအဖွဲ့ အစည်းအဝေးအမှတ်စဉ် ၁၈/၂၀၁၁ မှ ဘဏ္ဍာရေးနှင့် အခွန်ဝန်ကြီးဌာနသည် ၀င်ငွေခွန်ဥပဒေ ပုဒ်မ ၄တွင် အပ်နှင်းထားသည့် လုပ်ပိုင်ခွင့်ကို ကျင့်သုံး၍  အမိန့်ကြော်ငြာစာတစောင်ကို ထုတ်ပြန်ခဲ့သေးသည်။

ယင်းမှာ ဘဏ္ဍာရေးနှင့် အခွန်ဝန်ကြီးဌာန၏ ၂၀၀၆ ခုနှစ် ဇွန် ၅ ရက်စွဲပါ အမိန့်ကြော်ငြာစာအမှတ် ၁၂၄/၂၀၀၆ ၏ အပိုဒ်၂ အပိုဒ်ခွဲ(ခ)နှင့် အပိုဒ် ၃ တို့တွင် ထုတ်ပြန်ပြဋ္ဌာန်းချက်များအရ ပြည်တွင်းနေ
နိုင်ငံသားနှင့် ပြည်ပနေနိုင်ငံသားများက နိုင်ငံခြားငွေဖြင့်ရရှိသည့် လစာခေါင်းစဉ်မှ ၀င်ငွေစုစုပေါင်းအပေါ် ရရှိသည့်နိုင်ငံခြားငွေ အမျိုးအစားဖြင့် ပေးဆောင်စေသည့် ၀င်ငွေခွန်ကို နဂို ၁၀ ရာခိုင်နှုန်းမှ နှစ်ရာခိုင်နှုန်းသို့ လျှော့ပေါ့ သတ်မှတ်ခဲ့သေးသည်။

ယခုမူ ထို နှစ်ရာခိုင်နှုန်းပါ ပေးဆောင်ရန်မလိုတော့သည့်အတွက် ပြည်ပရောက် နိုင်ငံသားများထံမှ နိုင်ငံခြားငွေရရှိမှု ပိုမိုများပြားလာတော့မည်ဖြစ်ကြောင်း အဆိုပါအရာရှိက ဆက်လက်၍ “အရင်တုန်းကတော့ အခွန်ဆောင်ရတော့ အခက်အခဲတွေ အများကြီးရှိတယ်လေ။ ခုလို ကင်းလွတ်ခွင့်ပေးလိုက်တော့ ကျနော်တို့ဆီ နိုင်ငံခြားငွေ များများဝင်လာမှာပေါ့။ အရင်တုန်းက ဟွန်ဒီနဲ့လွှဲတော့ လမ်းကြောင်းက တရားမ၀င်ဘူး။ ခုတော့ ဘဏ်ကနေတဆင့် ၀င်လာမှာ” ဟု မဇ္ဈိမကို ပြောဆိုသွားသည်။

ပြည်ခိုင်ဖြိုး မန်း အခြေစိုက် ပါတီများနှင့် တွေ့ဆုံ၊ တင်ကြို ပြင်ဆင်ခြင်း မဟုတ်ဟုဆို

မန္တလေး၊ ဒီဇင်ဘာ ၁၅
မန္တလေးတိုင်း ဒေသကြီးတွင်း ပါတီများနှင့် တွေ့ဆုံခြင်းမှာ အမျိုးသား ဒီမိုကရေစီ အဖွဲ့ချုပ်ပါတီ တည်ထောင်ခြင်းနှင့် ကြားဖြတ် ရွေးကောက်ပွဲ ဝင်မည် ဆိုသည့် အပေါ် တင်ကြို စည်းရုံးရေး ပြုလုပ်ခြင်းနှင့် သဘောထား ရေးရာ ပြင်ဆင်ခြင်း မဟုတ်ကြောင်း မန္တလေး တိုင်းဒေသကြီး ပြည်ထောင်စု ကြံ့ခိုင်ဖွံ့ဖြိုးရေး ပါတီ အတွင်း ရေးမှူး ဦးဝင်းမောင်က ပြော သည်။
မန္တလေးတိုင်း ဒေသကြီး အတွင်းရှိ ပါတီ ၈ ပါတီနှင့် ဒီဇင် ဘာလ ၁၄ ရက်က ပါတီရုံး အစည်းအဝေး ခန်းမ၌ ၃ နာရီကျော်ကြာ အလွတ်သဘော တွေ့ဆုံမှု အပြီး ပေါ်ပြူလာ နယူးစ်၏ မေးမြန်းမှုအပေါ် ၄င်းက အထက်ပါ အတိုင်း ပြန်လည် ဖြေကြားခဲ့ခြင်း ဖြစ်သည်။
”ကျွန်တော် တို့လည်း အများက အဲဒီလို ထင်မှာစိုးလို့ ဒီပွဲကို NLD ပါတီကိုလည်း ဖိတ်ပါတယ်။ ကျွန်တော်တို့လည်း အဲဒီပါတီ ပေါ်ပေါက်လာတာကို ကြိုဆိုတယ်။ ဘာမှ မရှိပါဘူး။ တိုင်းပြည် အတွက် ပဲ ကြည့်ရမှာပါ။ အားလုံးပါတီ ဆုံရင် ကျွန်တော်တို့က ကြိုဆိုပါတယ်” ဟု ဦးဝင်းမောင်က ပြောသည်။
ယင်းနှင့် ပတ်သက်၍ တွေ့ဆုံပွဲသို့ တက်ရောက်ခဲ့သည့် ၈၈ ပြည်သူ့အင်အားစု ပါတီမှ ဥက္ကဋ္ဌ ဦးညွန့်ဦးက ”တွေ့ဆုံမှုအပေါ် ကျေနပ်ပါတယ်။ ပြည်သူ့အကျိုးကို ကာ ကွယ်မယ်။ တိုင်းပြည် အကျိုးကို ကာကွယ်မယ်ဆိုရင် ဘယ်ပါတီနဲ့ မဆို ပူးပေါင်း ဆောင်ရွက်သွားမှာပါ။ တစ်ပါတီ အင်အားကြီး သဘောနဲ့ လုပ်ဆောင်မယ် ဆိုရင်တော့ ဘယ်ပါတီကို မဆို ကန့်ကွက်သွားမှာပါ” ဟုသူ၏ သဘောထားကို ပြောသည်။
ယခု တွေ့ဆုံမှုသည် မိမိတို့ ပါတီတို့ အနေနှင့် အခြားပါတီများနှင့်  ချိတ်ဆက် မဟာမိတ်ဖွဲ့ရန် တွေ့ဆုံခြင်းမျိုး မဟုတ်ပဲ အလွတ် သဘော လက်ဖက် ရည်သောက် တွေ့ဆုံခြင်းမျိုး ဖြစ်ကြောင်း၊ အခြားသော ပါတီများမှ မဟာမိတ်ဖွဲ့ရန် ကမ်းလှမ်းလာပါက ပူးပေါင်းသွားမည် ဖြစ်ကြောင်း ပါတီ အတွင်းရေးမှူး ဦးဝင်းမောင် ကသတင်းထောက် များနှင့် တွေ့ဆုံစဉ် ပြောသည်။
”တွေ့ဆုံပွဲက အလွတ် သဘော ဆိုပေမယ့် ဒေသတွင်း ဖြစ်ပေါ်နေတဲ့ အခက်အခဲ ပြဿနာ တွေနဲ့ ပတ်သက်ပြီး ပါတီတွေက ပြည်ခိုင်ဖြိုးကို အစိုးရလို သဘော ထားပြီး တင်ပြကြတာ တွေ့ရပါတယ်။ ပါတီ အတွင်းရေးမှူး ဆိုတာကလည်း တိုင်းဒေသကြီး ဥက္ကဋ္ဌ ဆိုတော့ နောက်ဥပဒေချုပ်လည်း ပါတယ်ဆိုတော့ ပါတီဝင် အချင်းချင်း ဆိုတာ မျိုးထက် ဥက္ကဋ္ဌ ဥပဒေချုပ် ဆိုပြီး မတရားတဲ့ကိစ္စတွေ တင်ပြကြတာ တွေ့ရပါတယ်” ဟု တွေ့ဆုံပွဲသို့ တက်ရောက်ခဲ့သည့် သတင်းထောက် တစ်ဦးက ပြောသည်။
တွေ့ဆုံပွဲသို့ မန္တလေးတိုင်း အခြေစိုက် ပါတီများ ဖြစ်သည့် ၈၈ ပြည်သူ့အင်အားစု ပါတီ၊ ပြည်သူ့ ဒီမိုကရေစီ ပါတီ၊ ဝံဿနု ဒီမိုကရက် တစ်ပါတီ၊ ဒီမိုကရက်တစ် မဟာမိတ် ပါတီ၊ ဒီမိုကရက်တစ် ပါတီ (မြန်မာ)၊ အမျိုးသား ဒီမိုကရေစီ အင်အားစု ပါတီ၊ တိုင်းရင်းသား စည်းလုံးညီ ညွတ်ရေး ပါတီ၊ အမျိုးသား နိုင်ငံ ရေး မဟာမိတ်များ အဖွဲ့ချုပ်တို့ တက်ရောက်ခဲ့ကြပြီး အမျိုးသား ဒီမိုကရေစီ အဖွဲ့ချုပ် ကတော့ ဖိတ်ကြား ထားသော်လည်း တက် ရောက်နိုင်ခဲ့ခြင်း မရှိကြောင်း သိရ သည်။
”ကျွန်တော်တို့ ဒီတွေ့ဆုံပွဲကို မတက်ရောက် ဖြစ်တာက တခြား အကြောင်း မရှိပါဘူးခင်ဗျာ၊ ကျွန်တော်တို့ကလည်း ဒီဘက်မှာ ခရိုင်အောင်နိုင်ရေး အဖွဲ့ ဖွဲ့စည်း တာ လေးတွေ လုပ်နေတော့ သူတို့ ဖိတ် ကြားတာကို လက်ခံ ရရှိပေမယ့် မတက်ရောက်နိုင်ခဲ့တာပါ။ အဲဒီနေ့ နေ့လယ် ၁ နာရီမှာ ကျွန်တော်တို့ ကလည်း ကျောက်ဆည် ခရိုင် အောင်နိုင်ရေး အဖွဲ့လေးဖွဲ့ ရှိနေတာ နဲ့ သွားတိုက်ဆိုင်နေလို့ပါ။ အဲဒါကြောင့်ပါ” ဟု အမျိုးသား ဒီမိုကရေစီ အဖွဲ့ချုပ် မန္တလေးတိုင်း ဒေသကြီး စည်း ရုံးရေး ကော်မတီအဖွဲ့ဝင် တစ်ဦးဖြစ်သူ ကိုမျိုးနိုင်က ပါတီ အနေနှင့် တွေ့ဆုံပွဲကို တက်ရောက် နိုင်ခြင်း မရှိခဲ့သည့် အခြေအနေနှင့် ပတ်သက်၍ ပြောသည်။

ဥာဏ်လင်းအောင်

ငြိမ်းချမ်းရေးအတွက် စစ်တပ် လက်ရှောင်ရန် ကင်တားနားပြော

တိုင်းရင်းသားဒေသ ငြိမ်းချမ်းရေး ရရှိရန် အရပ်သား အစိုးရက ဆောင်ရွက်နေချိန်တွင် တပ်မတော်က ပါဝင် ပတ်သက်ခြင်း မပြုသင့်ကြောင်း ကုလသမဂ္ဂ၏မြန်မာနိုင်ငံ လူ့အခွင့်အရေး ကိုယ်စားလှယ် မစ္စတာ သောမတ် အိုဟေး ကင်တားနားက ပြောလိုက်သည်။

ကချင်ဒေသရှိ အာဟာရ ချို့တဲ့နေသော စစ်ပြေးဒုက္ခသည် ကလေးငယ် တဦး။ မြန်မာပြည်တွင် အရပ်သားအစိုးရ အုပ်ချုပ်နေသော်လည်း တိုင်းရင်းသားဒေသ ပြဿနာများ ဖြေရှင်းနိုင်ခြင်း မရှိသေးကြောင်း ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ ကင်တားနားက ပြောလိုက်သည် (ဓာတ်ပုံ-ဧရာဝတီ)

ဧရာဝတီနှင့် ယခင်တပတ် သောကြာနေ့က ပြုလုပ်သည့် အင်တာဗျူးတွင် မစ္စတာ ကင်တားနားက ထိုသို့ ပြောဆိုလိုက်ခြင်း ဖြစ်ပြီး ငြိမ်းချမ်းရေးဆွေးနွေးမှု လုပ်ငန်းစဉ်များကို အရပ်သားအစိုးရက ဒီမိုကရေစီနည်းကျကျ အကောင်အထည်ဖော်ရန် တိုက်တွန်းလိုက်သည်။

“ဆိုလိုတာက  ငြိမ်းချမ်းရေး ဖော်ဆောင်မှု ကြိုးပမ်းနေကြတဲ့ နေရာမှာ တပ်မတော်က လက်ရှောင်နေဖို့ပါပဲ” ဟု မစ္စတာ ကင်တားနားက ပြောသည်။

ဤအတောအတွင်း မြန်မာအစိုးရတပ်များနှင့် KIA ခေါ် ကချင်လွတ်လပ်ရေးတပ်မတော်အကြား တိုက်ပွဲများ အဆက်မပြတ် ဖြစ်ပွားနေသည်။ နှစ်ဘက် ဆွေးနွေးမှု တခါတရံ ပေါ်ပေါက်လာသော်လည်း အပစ်ရပ်နိုင်ခြင်း မရှိသေးပေ။

ကရင်ပြည်နယ်၊ ရှမ်းပြည်နယ်တို့တွင်မူ အစိုးရက တိုင်းရင်းသား လက်နက်ကိုင် အဖွဲ့တချို့နှင့် အပစ်ရပ်ထားပြီး ငြိမ်းချမ်းရေး ဆွေးနွေးလျက်ရှိသည်။

မစ္စတာ  ကင်တားနားက  ထိုသို့ ငြိမ်းချမ်းရေးဆွေးနွေးပွဲများ ဖြစ်ပေါ်နေသည်ကို  ကြိုဆိုလိုက်ပြီး  အသက်မပြည့်သေးသူများ၊ အထမ်းသမားများအား စစ်ရေးပဋိပက္ခတွင် အသုံးပြုနေခြင်းကဲ့သို့သော အရေးကြီး ပြဿနာများကို ချက်ချင်း အရေးယူဆောင်ရွက်ရန် လိုအပ်ကြောင်းလည်း ပြောကြားလိုက်သည်။

မြန်မာပြည်၏ နိုင်ငံရေး အနေအထားသစ်တွင် လူ့အခွင့်အရေး နှင့် အကူအညီပေးရေး လုပ်ငန်းများ ဆောင်ရွက်ရမည့် ပဋိပက္ခ ဒေသများသို့ ပိုမိုသွားရောက်ခွင့် ရှိရမည်ဖြစ်ပြီး ကြိုတင်စီစဉ်ထားသည့် သူ၏ ဖေဖော်ဝါရီလ မြန်မာပြည် ခရီးစဉ်တွင် ထိုသို့ သွားရောက်ခွင့်ရရေးအတွက် လုပ်ဆောင်သွားမည်ဟု ဆိုသည်။

KIA  နှင့် ၆ လကြာ ဖြစ်ပွားနေသော တိုက်ပွဲများကြောင့် အရပ်သား ထောင်ပေါင်းများစွာ နေရပ်စွန့်ခွာ တိမ်းရှောင်နေရဆဲဖြစ်သည်။

ပဋိပက္ခ ဒေသ စစ်ပြေး ဒုက္ခသည်များထံ ကူညီကယ်ဆယ်ရေး လုပ်ငန်းများ အလုံအလောက် မရောက်ရှိသေးကြောင်း သိရသည်။

ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ရိုက်ကူးရန် ရန်ပုံငွေအတွက် နှင်းဆီအဖွဲ့သားများ ရန်ကုန်တွင် ပြန်လည် ကပြဖျော်ဖြေမည်

e4362

ဗိုလ်ချုပ်အောင်ဆန်း၏ အတ္ထုပ္ပတ္တိ ရုပ်ရှင်ရိုက်ကူးရန် ရန်ပုံငွေအတွက် နှင်းဆီအဖွဲ့သားများ အနေဖြင့် ရန်ပုံငွေဖျော်ဖြေပွဲတစ်ခုကို ၂၀၁၂ ခုနှစ် မတ်လတွင် ရန်ကုန်မြို့ သုဝဏ္ဏမိုးလုံ လေလုံ အားကစားရုံ၌ ပြုလုပ်ရန် စီစဉ်ထားပြီး ယင်းဖျော်ဖြေပွဲမှရရှိသည့် ၀င်ငွေအားလုံးကို အဆိုပါ ရုပ်ရှင်ရိုက်ကူးရန် ရန်ပုံငွေအဖြစ် လှူဒါန်းသွားရန် ဆုံးဖြတ်ထားသည်ဟု သတင်းရရှိသည်။ ယင်းသို့ ရန်ပုံငွေအငြိမ့် ကပြ ရန်ကို ဗိုလ်ချုပ်အောင်ဆန်း၏ အတ္ထု ပ္ပတ္တိ ရိုက်ကူးရန်အတွက် ဒေါ်အောင်ဆန်းစုကြည်နှင့် ရုပ်ရှင်အနုပညာရှင်များ တွေ့ဆုံညှိနှိုင်းပွဲအပြီး၌ နှင်းဆီ အဖွဲ့သားများ တိုင်ပင်၍ ဆုံးဖြတ်ခဲ့ခြင်း ဖြစ်သည်။

“ကျွန်တော်တို့ နှင်းဆီအဖွဲ့သားတွေအားလုံး တိုင်ပင်ပြီးသွားပါပြီ။ အခုလို ကျွန်တော်တို့အားလုံး လေးစားအားကျခဲ့ရတဲ့ ဗိုလ်ချုပ်အောင်ဆန်းရဲ့ အတ္ထုပ္ပတ္တိလို ဇာတ်ကားမျိုး ရိုက်ကူးတဲ့အခါမှာ ကျွန်တော်တို့တတ်စွမ်းတဲ့ တစ်ထောင့်တစ်နေရာကနေ ပါဝင်ချင်ပါတယ်။ ဒါကြောင့် ကျွန်တော်တို့နှင်းဆီ အဖွဲ့သားတွေအနေနဲ့ အခုလို တိုင်ပင်ပြီးဆုံးဖြတ် ဖြစ်သွားတာပါ။ ခေါင်းစဉ်က ရန်ပုံငွေလို့ တပ်မှာဖြစ်တဲ့ အတွက် ရလာတဲ့ငွေ အားလုံးကိုလည်း လှူဒါန်းသွားပါမယ်”ဟု သရုပ်ဆောင်ကျော်ကျော်ဗို က ရှင်းပြခဲ့သည်။

ဒါရိုက်တာမောင်မျိုးမင်း စီစဉ် တင်ဆက်သည့် နှင်းဆီအဖွဲ့အနေဖြင့် ၂၀၁၀ ပြည့်နှစ်တွင် ရန်ကုန်မြို့ သုဝဏ္ဏ မိုးလုံလေလုံ အားကစားရုံ၌ ‘ထာဝရနှင်းဆီ’ အငြိမ့်အဖြစ် ကပြခဲ့ပြီးနောက် ပြည်တွင်းဖျော်ဖြေပွဲများကို ရပ်နားထားခဲ့ကာ ယခုအခါပြန်လည် ကပြဖျော်ဖြေရန် ဆုံးဖြတ်လိုက်ခြင်း ဖြစ်သည်ဟု သိရသည်။၂၀၁၂နှစ် ဆန်းပိုင်းတွင်လည်း ဥရောပဖျော်ဖြေရေး ခရီးစဉ်သွားရောက်ရန် လက်ခံထားသည်ဟု သိရသည်။

© 2011 All rights reserved.

Make a free websiteWebnode